Aste Santuko oporretatik bueltan, DBH 4. mailako ikasleekin pare bat bidaia burutu genituen. Frantseseko ikasleekin Bretainian egon ginen astebetez, Lise Diwan Karaez ikastetxeko ikasleekin egindako elkartrukearen bigarren zatia osatzeko. Teknologiako ikasleekin berriz, Bartzelonan izan ginen, coworking eta maker proiektu ezberdinak ezagutzen. Esperientzia ahaztezinak utzi zizkiguten bi bidai izan dira, dudarik gabe!

Pasa den eguenean agurtu genituen aurten Oñatira etorri diren lagun bretoiak. DBH 4. mailako frantseseko ikasleek zortzigarren urtez burutu dute Karaez herriko Diwan lizeoko ikasleekin elkartrukea. Astebete izan dira gurekin bretoiak eta, tarte horretan, Oñati, Donosti eta Bilbo ezagutzeko aukera izan dute. Elkarrekin une ederrak igaro ditugu!

Lerro hauen bitartez elkartruke hau posible egin duzuen familia eta langileei eskerrak eman nahi dizkizuegu. MILA ESKER!

Teknologiako ikasleak Italian izan dira, apirilaren 8an abiatu eta 12an itzuli ziren etxera. Milan, Bergamo eta Verona bisitatzeaz gain, Leonardo da Vinciren hainbat asmakizun aztertu zituzten Milango zientzia museoan. Ederki ibili dira guztiak Italian eta, Oñatira bueltatzean, bidaian ikusi eta ikasitako guztiarekin teknologiako proiektu bat burutu beharko dute datozen asteetan.

Irailaren 11n Kosice hiriko 30 ikasle etorri ziren Oñatira Txantxiku Ikastolako batxilergoko 1.mailako ikasleekin elkartrukea egiteko. 2004an martxan jarritako ekimena da hau eta bi urtez behin burutzen dugu gure ikastolan. Oñatiar ikasleen etxeetan ari dira astea pasatzen eta ekintzaz beteriko izan dute aurretik: Gasteiz, Bilbo edo Donostiako hiriburuak ezagutzeaz gain, Urbiara igo dira, herri kiroletan aritzeko aukera izan dute eta gure Ikastolako proiektu berriak ezagutu dituzte.

Martxoan  DBH 4.mailako frantseseko ikasleak Bretainia aldean izan ginen eta oraingoan han ezagututako lagunak gurean  jasotzea tokatu zaigu. Pasa den apirilaren 21ean iritsi ziren Karaez-etik  lagun bretoiak eta astebetez izan ditugu gure artean. Aste horretan  ekintza desberdinak izan dituzte gure herria eta ohiturak ezagutzeko: Ikastolaren eguneko ekintzetan parte hartu zuten, Arantzazu eta Aloñara igo ziren, Iruña ezagutu zuten, udaletxean harrera ofiziala jaso, eta Irizar autobus lantegia  bisitatu ere bai.

Urte asko igaro dira lehenengo aldiz Eslobakiara elkartruke bidaia egin genuela. Urtez urte gero eta aberatsagoa den dinamika honek ikasturte honetan ere izan du bere tartea. Ostiralean iritsi ziren Eslobakiar ikasle eta irakasleak Euskal Herrira eta aste oso bat igaroko dute gure herria ezagutu eta familiekin hartu emanetan.

Datorren maiatzaren 1etik 7ra eslovakiarrak etorriko dira Oñatira. Batxilergo 1eko gure ikasleekin elkartrukearen bigarren zatia burutuko dute. Helburu honekin egitarau zabala eta aberatsa prestatu dugu: Arrikrutzen espeleogia egin eta Urbiara igo, Zumaiako flyscha ezagutu, Guggenheim bisitatu, Gaztelugatxera joan, hiri ezberdinetara irteerak, e.a.

Dakizuenez, otsailaren 20tik 27ra Bretainiako Lise Diwan ikastetxeko 15­16 urteko 29 ikasle eta euren irakasleak egon dira gure artean. Mila bizipenez, era guztietako emozioez eta urduritasun momentuez betetako astea izan zen guztiontzat, bai ikasleontzat, baita ikasle horiek hartu dituzten familietako kideontzat ere, baina, oro har, esperientzia ederra izan dela aitortu digute guztiek.