Aurten ere eski irteera egin dugu DBH 2.mailako ikasleak. Astuneko estazioan izan gara. Lau egunetik hirutan eguraldi zoragarria izan dugu; eta hotz handia egin arren, asko gozatu dugu elurraz. Hasierako egunetan zaila iruditzen zitzaigun baina azken egunetarako asko hobetu dugu eta guztia errazago egin zaigu.

Azken egunean eguraldia okertu egin zen, baina elurra mara mara zela ere jolasteko aprobetxatu dugu eta ederki gozatu dugu. Baja batzuk izan ditugun arren orokorrean zoragarri pasatu dugu elkarrekin!

Urtarrilaren 26tik 29ra ikastolako DBH 2. mailako ikasleak eta lau irakasle Astunen izan gara. Elur askorik egongo ez zenaren beldur ginen, baina nahikoa eta soberan zegoela ikusi dugu! Lehenengo bi egunetan eguraldi zoragarria izan dugu eta aukera ederra izan dugu eskiak jantzi eta maldan behera gozatzeko! Azken bi egunetan ere lainoturik eta behe-laino handia zegoen arren, berdin berdin eskiatzen jardun gara.

Eski ikastaroetan asko ikasi dugu eta dagokigun eski-mailaren diplomatxoarekin etorri gara bueltan!!