Hezkuntza komunitate osoaren elkarlanari esker IXUTU proiektua abian jartzeko egin beharreko obra bukatu dugu Txantxiku ikastolan. Konfiantzaren Pedagogian oinarritzen den proiektu hau behar bezala garatzeko, guraso eta hezitzaileek ideia eta filosofia partekatu behar dute eta horretarako,  iaz lehenengo aldiz,  gurasoen mintegiak antolatu genituen. Ikasturte honetan ere, alde batetik haur esperoan dauden gurasoentzat eta 0 eta 1 urteko haurren gurasoentzat mintegiak antolatuko ditugu. Azken hauen dinamizatzaileak ikastolako arduradun pedagogikoak izango dira dira.

Elkarbizitza Behatokiko gurasoek antolatuta, datorren eguaztenean, hilak 26, arratsaldeko 18:00etan, Txantxiku ikastolan, NOLA MARGOTU AURPEGIA INAUTERIETAN tailerra emango da. Egun horretan gurasoak seme­-alabekin etortzea komeni da, ikasitako hori praktikan jarri ahal izateko. Ikastaro hori Mirari Sagarzazuk eta Itziar Aperribaik emango dute.