Sahararako eskola materialaren bilketa kanpaina amaitu ondoren, esan behar dugu oso pozik gaudela bildutakoarekin. Horregatik, eskerrak ematen dizkizuegu parte hartu duzuen denoi. SAHARAko umeek asko eskertuko dute zuen laguntza, eta asko ikasiko eta disfrutatuko dutela ziur gaude. MILA MILA ESKER!!!

Aurten ere Txantxiku Ikastolaren Eguneko ospakizunen artean Bidezko Merkataritza denda jarriko dugu apirilaren 22an eta 23an Txantxiku Ikastolako aretoan. Bertan salduko diren produktuak garapen bidean dauden herrialdeetako komunitateek egindakoak dira eta bitartekaririk gabe erosi ahal izango ditugu. Lan hau egiteagatik jasotako dirua SAHARAra bidaliko da. Ziur gaude bertara gerturatuko zaretela.

Datorren astean, apirilaren 18tik 22ra Munduko Hezkuntzaren Astea ospatuko da. Hori dela eta Txantxiku Ikastolan Saharako haurrentzat eskola materialaren bilketa egingo da. Ikasleek beraien geletara ekar dezaketen materiala honako hau da: margoak, arkatzak, boligrafoak, koadernoak... ALDEZ AURRETIK MILA ESKER ZUEN PARTAIDETZAGATIK!!

Lerro hauen bidez ELKARTASUN EKINTZAK taldeak eskerrak eman nahi dizkie Mozanbike-Gaza kanpainaren alde, era batera edo bestera, parte hartu duten guztiei, bereziki LH 6. eta DBH 3. mailako ikasleei boletoak saltzen egin duten lanagatik. 

Ikastolaren asteko ostiralean egindako zozketan zenbaki saritua 0886 izan zen, dagoeneko agertu da sariduna: Lino Urzelai, hain zuzen ere. ZORIONAK berari eta ESKERRIK ASKO guztiei parte hartze solidarioagatik.

Aurreko ikasturtean egin genuen bezala, aurten ere Gipuzkoako Elikagai Bankuak elikagaiak biltzeko gunea jarriko du azaroaren 28 eta 29an Oñatiko Eroski supermerkatuan. Kanpainan parte hartzeko langile boluntarioak behar ditugu eta txandak 2 orduko iraupena izango du. Egun horietan gunean egoteko prest legokeen edonorentzat ateak zabalik ditugu eta zuen parte hartzea ere eskertuko genuke. Parte hartzeko, eman izen a Txantxiku Ikastolako idazkaritzan azaroaren 26a baino lehen.

Mari Carmen Markuleta Haitin garatzen ari den proiektuaren alde 1.500€ lortu ditugu

Dakizuenez, TXANTXIKU IKASTOLAREN EGUNAren jiran elkartasun ekintza pare bat antolatu dira. Batetik, tablet baten zozketa egin da, eta bestetik, bidezko merkataritza denda ireki da.

Urteroko moduan aurten ere zozketa baten bidez elkartasun ekimen bat lagunduko dugu. Aurtengoan, gaixotasun larri zein kronikodun haur haitiarrei laguntzeko Dominikar Errepublikako Pedernalesen Mª Carmen Markuletak aurrera daraman proiektuari bultzadatxo bat emango diogu.