Aurtengo Nafarroa Oinez Tuteran ospatuko da urriaren 20an. Argia ikastolak antolatu duen jaiaz gozatu eta bertaratzea errazagoa izan dadin, autobusa antolatu du Txantxiku Ikastolak.

Izena emateko urriak 16 izango da azken eguna eta 943 78 12 04 telefonora deitu edo txantxiku@ikastola.eus helbidera posta bat idatziz apuntatu ahal izango da. Gogoratu adin txikikoak arduradun bat eraman behar dutela.

Dakizuen moduan, urriaren 4an Kilometroak 2015 ospatuko da Usurbilen eta hara joateko Aranzadi, Txantxiku eta Arizmendi ikastolok familientzat autobusa antolatu dugu. Irteera honen helburuak honoko hauek dira: ikastolen jaiekin bat egitea, familia giroan ondo pasa eta bailarako ikastolen arteko elkarlana bultzatzea. Hona hemen, autobusaren inguruko informazioa:

IZEN EMATEA ZABALIK DAGO IRAILAREN 28rarte, ASTELEHENA.

Urriaren 19an Nafarroako Ikastolen jaia ospatuko da Zangozan. Aurten ere, bertan parte hartzeko deia luzatu nahi dizuegu. Egun horretaz gozatzeko bi aukera dituzue. Bata, familian, zein lagunartean, egun paregabea pasatzeko parada ezin hobea. Bestea, bertan boluntario gisa lanean aritzea. Beraz, lanerako gogoz bazabiltza, jakinarazi iezaguzu Txantxiku Ikastolako bulegoan izena emanez.

Informazioa gehiago Nafarroa Oinezeko webgunean aurki dezakezue.