Mondragon Unibertsitateko Humanitate eta Zientzia Fakultateko 3. mailako talde batek “Eskola Osasuntsua” sustatzeko proiektuko sekuentzia didaktiko bat jarri du praktikan Lehen Hezkuntzako 4. mailako ikasleekin. Primeran pasatu dugu zuekin jolasten eta meriendatzen! Hurrengoan ere etorri!

Maiatzaren 9tik 11ra 4. mailako ikasleak Lesaka aldea bisitatu dugu. Maiatzaren 9an Igantziko IrriSarri Land parkean hainbat jarduera egin genituen (tirolina, ibilalditxoa, ikatz museoa bisitatu … ). Arratsaldean, Lesakako Matxinbeltzenea aterpetxean ostatu hartu genuen. Hiru egun horietan Lesakan ere beste hainbat aktibitate eginez (talo tailerra, herriko igerilekuan jolasak, orientazioa, zaldian ibiltzea … ) eta gure arteko planekin ederki pasatu dugu. Argazkietan ikusi ahal izango duzuenez, hagitz ongi igaro dugu aurtengo txangoan.

Pasa den astean, 4. mailako ikasleok  mago edo azti, pailazo eta dantzari izan ginen “TXANTXI TROUPE SHOW”ean. Ingeleseko saioetan lan handia egin  ostean, urduritasunak alde batera utzi eta guraso eta LH2ko ikasleei landutakoa erakustea erabaki genuen. Magoek trikimailu ezin hobeak eskaini zituzten eta pailazoen umore onarekin arratsalde ederra igaro genuen. Aipatu gabe ezin utzi dantzarien lana; izugarria!!!

Egin klik irudiaren gainean emanaldiko irudiak ikusteko.

Azken bi aste hauetan 4. mailako ikasleok BIDE HEZKUNTZAko saioak izan ditugu Eñaut Unamuno udaltzainaren gidaritzapean. Sentimenduek gure jokaeran duten eragina aztertzeaz gain, KONTUZ, ARRETAZ eta ERRESPETUZ ibiltzearekin zenbat arazo saihets daitezkeen ikusi dugu. Bestalde, kiroldegian, mikropatinarekin saioak egin ditugu, eta beraietan trafiko seinaleen esanahia errepasatu eta kaleetan nola ibili behar dugun berraztertu dugu. Eskerrik asko Eñaut agertu diguzun guztiagatik eta erakutsi duzun inplikazioagatik.

Martxoaren 2an, goizean, 4. mailako ikasleak Urkuluko araztegira joan ginen bisitan. Gure etxeetara ura iritsi aurretik, berarekin egiten dena ikusita txundituta gelditu ginen. Ez genekien ura edangarri bihurtzeko horrelako prozesu luzea jarraitu behar zenik! Bisitaldian, lehenik eta behin, kontrol gela ezagutu  genuen. Han zeuden paneletan hainbat datu agertzen ziren: urtegiko litro kopurua, segundoko garbitutako ur kopurua, Debagoienako herrien biltegiak … Jarraian, kanpora irten, eta paneletan ikusitakoa zuzenean behatzeko aukera izan genuen.

Azken hilabeteotan 4.mailako ikasleok MUGI GORPUTZA ETA IZAN ONTSA proiektua landu dugu. Proiektuaren barnean lokomozio aparatuaren (hezurren eta giharren) gaineko informazioa lantzeaz gain, ariketa fisikoa egitearen onurez, luzatze ariketez, dieta egokiak osasunarentzat duen garrantziaz, elikadura piramideaz, gorputz-jarrera egokiez… aritu gara. Proiektuari amaiera emateko, otsailaren 12an, 2.mailako gure lagunei ikasi genuenaren aurkezpena egin genien.

LH 3. eta 4. mailako ikasleek Janerekin (kobazuloetako emakumea), Dinorekin  eta Monkey-rekin XXI. mendera bidaiatu zuten. Hainbat abenturaren ostean, Jane-ri ez zitzaion XXI. mendea gustatu eta kobazulora itzultzea erabaki zuen. Tartean, ordea, dantzan eta kantuan egin zuten, baita barre ugari ere.

See you Jane!!!

“Ameriketara joan nintzen” gaia lantzen hasi ginenean, 4. mailako ikasleoi bururatu zitzaigun proiektu gisa familiei zuzendutako ikuskizuna prestatzea. Unitatean zehar ikasitakoa  gurasoei  erakusteko era aproposa zela pentsatu genuen. Esan eta egin, horretan ere oso trebeak baikara! Gelak apaintzeko, plastikan sortutako amets-atzemaileak, totemak, mapak… erabiltzea erabaki genuen.

Azaroaren 24an, Xixili Done musikarien eguna ospatzeko, Xabier Lizaso piano-jotzailea geurera etorri zen. Makinatxo bat ekintza, jolas… burutuz kontzertu didaktiko eta interesgarri bat izan genuen.
Xabierrekin batera musikaz gozatzeko aukera izan genuen, eta nola gozatu gainera!
Mila esker, Xabier, musikaren alde ludikoa  erakusteagatik!

Maiatzaren 11n, 1 2an eta 13an LH 4. mailako ikasleek ikasturte bukaerako txangoa Lekeitioko Trinkete aterpetxera egin zuten. Hiru egun horietan, bertako begiraleen gidaritzapean, hainbat ekintza burutu zituzten: herria ezagutu, Talaia mendira ibilaldia, Isuntza Arraun Elkartekoekin arraunean ikasi, Katalina Deunaren Itsasargia bisitatu, itsas ontzietan erabiltzen diren korapilo batzuk egiten ikasi, eta abar. Hainbat jolas eta joko artean gaubelek ederki pasatu zuten!